چیئرمین پیپلزپارٹی بلاول بھٹو نے مناظرے پر شہباز شریف کی شرط کو قبول کرلیا ہے۔
اے آر وائی نیوز کے مطابق چیئرمین پیپلزپارٹی بلاول بھٹو کا کہنا ہے کہ مناظرے اور سندھ کے معائنے کے لئے تیار ہوں، نواز شریف خیرپور گمبٹ میں میرے ساتھ مناظرہ کرلیں۔
انہوں نے کہا کہ گمبٹ اسپتال پنجاب کے کسی بھی اسپتال سے بہتر ہے، گمبٹ اسپتال میں مفت علاج ہوتا ہے، نواز شریف نے 3 بار وزیراعظم بننے کے باوجود بھی گمبٹ کا دورہ نہیں کیا، تھرپارکر آجائیں وہاں کے انفرااسٹرکچر کا معائنہ بھی ہوجائے گا، چولستان سے تھر کا موازنہ بھی ہوجائے گا۔
بلاول بھٹو نے کہا کہ تھر میں کوئلے کے منصوبے کی آپ اورآپ کا بھائی مخالفت کرتے تھے، کوئلے کا منصوبہ کراچی نہیں فیصل آباد کو سستی بجلی فراہم کررہا ہے۔
میں مناظرے اور معائنے کے لئے تیار ہوں، میاں نواز شریف مجھ سے خیرپور گمبٹ میں مناظرہ کرلیں جہاں کا اسپتال پنجاب کے کسی بھی اسپتال سے بہتر ہے اور یہاں علاج بالکل مفت ہے اور میاں صاحب نے تین بار وزیراعظم بننے کے باوجود بھی گمبٹ کا دورہ نہیں کیا یا وہ تھرپارکر آجائیں، وہاں کے… https://t.co/WThzbP0P6j
— BilawalBhuttoZardari (@BBhuttoZardari) January 27, 2024
چیئرمین پی پی نے کہا کہ میاں صاحب کراچی کے این آئی سی وی ڈی کے باہر مباحثہ کرلیں، این آئی سی وی ڈی میں گزشتہ سال پنجاب کے 84 ہزارسے زائد افراد کاعلاج ہوا ہے۔
بلاول بھٹو نے کہا کہ 84 ہزار افراد کا علاج ثبوت ہے پنجاب میں ایسی سہولیات میسر نہیں، راہ فرار اختیار نہ کریں، براہ کرم بتائیں کس شہراور کس تاریخ کو مباحثہ کرنا ہے۔
